Qırmızı.az
Bu dəfə Mirşahin hesabat verdi
ANS televiziyasının efirində yayımlanan "Hesabat" verilişinin müllifi və aparıcısı Mirşahin Ağayev ANS PRESS-saytına müsahibə verib.
Müsahibəni olduğu kimi təqdim edirik:
- ANS televiziyası müxtəlif layihələri, proqramları,
verilişləri ilə daim diqqət çəkir. Təbii ki, bunların içərisində
"Hesabat"ın öz yeri, nüfuzu var. Müəllif kimi sizdən soruşuruq:
tamaşaçıları həftə sonu ekran qarşısında əyləşdirən proqramın sirri
nədir?
- Əslində, heç bir layihənin ilk olaraq uğur resepti olmur.
"Hesabat" təhlil, analitik verilişdir. Hansısa qənaətə, nəticəyə
sonda gəlmək mümkündür. Müəyyən mənada, riyazi terminlə desək,
məhculların yerinə nələrisə qoymaq lazımdır ki, sonda nəzərdə
tutulan cavab alınsın. Əgər günün informasiyaları, günün xəbərləri
qərəzsizdirsə, dəqiqdirsə, vicdanlıdırsa, təbii ki, bunların yekunu
olaraq hazırlanan analitik veriliş də dəqiq, qərəzsiz və vicdanlı
nəticələrə nail olur. Bu baxımdan "Hesabat"ın uğurları, ilk növbədə
"Xəbərçi"nin uğurlarıdır.
"Hesabat"ın mövzusu "Xəbərçi" proqramında gedən materiallardan
götürülür. İnformasiyaları, "Xəbərçi"də gedən məlumatları bir qayda
olaraq analitik tərzdə hazırlayıram. Yəni əlimizin altında
"Xəbərçi"nin informasiya bazası var. "Xəbərçi" tamaşaçılara
obyektiv məlumat verdiyinə görə, istifadə etdiyimiz material,
xammal dəqiq, doğru olur. Gəldiyimiz nəticələr isə göz
qabağındadır.
- Ümumiyyətlə, "Hesabat"ın əsas qayəsini, ana xəttini nə
təşkil edir?
- ANS-də efirə gedən bütün proqramlar, verilişlər kimi, aparıcısı
olduğum "Hesabat" da Azərbaycanın müstəqillik kursunu həmişə
qoruyub, ön planda tutub. Bu, bizim üçün müəyyən mənada göstərici
olub. Biz ölkədə gedən bütün proseslərə məhz müstəqillik
prizmasından baxmışıq. Bütün verilişimizdə proqramın onurğa sütunu
olaraq Azərbaycanın dövlət müstəqilliyi durub. Son "Hesabat"da da
belə idi, ilk hesabatda da belə idi. Neçə ki, "Hesabat" var, digər
layihələrimiz var, biz ölkəmizin dövlət müstəqilliyinə üstünlük
verəcəyik. Bunu ona görə edirik ki, məhz hər şey müstəqilliyimizlə
bağlıdır, hər şey məhz bundan asılıdır.
- 2014-cü ilin son günlərini yaşayırıq. Geriyə baxdıqda,
yadınızda qalan hadisələr hansılar olub?
- Bu il Azərbaycanın dövlət müstəqilliyini daha da möhkəmləndirməsi
ili kimi yadımda qaldı. Bu il Azərbaycan prezidentinin apardığı
müstəqil siyasət ili kimi yadımda qaldı. Baxmayaraq ki, dünyada çox
böyük proseslər getdi. Ukraynada ixtişaşlar oldu. Rusiyada
iqtisadi, maliyyə böhranı yarandı. İqtisadi-siaysi təzyiqlər
altında qalan və Qərbin, Avropanın sanksiyaları ilə üzləşən
Rusiyada rubl dəyərini itirdi, ağır günlər yaşanır. Bununla bağlı
MDB ölkələri də problemlər yaşayır. Amma, Allaha çox şükür ki,
Azərbaycan bütün bu proseslərdən yaxşı, salamat keçdi və keçir.
Azərbaycan Silahlı Qüvvələrinin bu ilin yayında ermənilərin hücumu
qarşısında duruş gətirməsi də daha çox yadda qalan məqamdır. Hesab
edirəm ki, bu, Azərbycanın yalnız və yalnız büdcə etibarı ilə
Ermənistanı üstələyən dövlət olduğunu nümayiş etdirmədi, eyni
zamanda göstərdi ki, bizim qüdrətimiz, gücümüz təkcə pulda deyil,
biz hərb sahəsində də güclüyük və Ermənistanın öhdəsindən gəldik,
cavablarını da verdik.
Ölkəmizin qanuni sərhədini nümayişkaranə şəkildə pozmuş erməni
helikopterinin bu ilin noyabrında Azərbaycan ordusu tərəfindən
Dağlıq Qarabağ ərazisində vurulması yaddaqalan oldu. Bu, ondan
xəbər verdi ki, Azərbaycan həmişə ayaqdadır, Azərbaycan
güclüdür.
Ümumiyyətlə, yadda qalan məqamlar çoxdur. Amma düşünürəm ki,
Prezident İlham Əliyevin məhz Azərbaycanın müstəqilliyinin
möhkəmlənməsinə yönəlik siyasət aparması böyük qürur hissi yaradır
və bu, yaddaqalan mühüm amillərdir.
- Maraqlıdır, "Hesabat"ın ilin son hesabatı hansı
məsələlərə həsr olunacaq?
- Tamaşaçılar son hesabatda ilin məntiqi sonluğunu gözləyirlər. Bu,
siyasi yekun olacaq. Biz ciddi və qeyri-ciddi layihələr arasında
gedən rəqabətdə ciddi layihələrin niyə geridə qalmasının
səbəblərinə toxunacağıq.
Bundan əlavə, seperatçı erməni rejiminin girovluğunda qalmış 2
azərbaycanlı - Dilqəm və Şahbaz ilə bağlı məsələyə yer veriləcək.
Mən dekabrın 28-də efirə çıxacağam. Amma ayın 29-da qiyamçı rejimin
icraçıları tərəfindən onların biabırçı, rusvayçı məhkəmə prosesi
keçiriləcək. Mən bununla bağlı məsələyə toxunacam. Əslində, mənim
bu işim kompetensiya daşımayacaq, yəni replika vermək niyyətində
deyiləm. Sadəcə olaraq, istəyirəm, sağlam, soyuqqanlı, emosiyasız
şəkildə belə bir mövzunu müzakirə edək ki, biz insanlarımızı
onların əlindən necə qurtaraq. Bunu necə etmək olar, bunun üçün
bizim hansı yolumuz var.
Fikir verirsinizsə, son vaxtlar mətbutda bu mövzu mühüm yer tutur.
Hamı yaranmış vəziyyətdən yalnız özünü göstərmək üçün istifadə
edir, baxın, mən belə söyürəm, nə bilim, "ermənilərin anasını belə
ağlatdım" və s. Amma nəticə etibarı ilə biz yenə də Şahbaz və
Dilqəmin gorovluqda qalması faktı ilə razılaşmış oluruq. Bu da məni
vətəndaş, peşəkar jurnalist olaraq xoşuma gəlmir. Bütün hallarda
istəyirəm, əlimizdən gələni edək ki, biz onları girovluqdan
qurtaraq.
Yadınızdadırsa, 2010-cu ildə oxşar vəziyyət yaranmışdı.
Azərbaycanın 2 şəhid övladı - Fərid və Mübariz düşmən əlində idi.
Həmin il məhz Prezident İlham Əliyev onların meyitinin ölkəyə
qaytarılmasına nail oldu. Özü də bu 2 şəxsin Ermənistan üçün etdiyi
indiki 2 nəfərin etdiyi ilə müqayisədə qat-qat ağır idi. Ermənilər
o vaxt bizim şəhidlərimizin əl-qolunu bağlayıb müxtəlif şəkillər
çəkmişdilər. Azərbaycan prezidenti onların meyitini qaytardıtdı və
hətta onlar üçün yüksək səviyyədə dəfn mərasimi keçirildi. Yəni,
Azərbaycanın dövlət olaraq buna gücü var. Şübhəsiz ki, bizim iki
azərbaycanlımızın geri qaytarılmasına gücümüz çatacaq. İnanıram ki,
biz bunu edəcəyik. "Hesabat"da bütün bu məsələlərə toxunulacaq.
- Yeni il arzularınız və planlarınız barədə nə deyə
bilərsiniz?
- Mən Azərbaycan xalqının bir övladı olaraq, ilk növbədə,
millətimizə, xalqımıza xoşbəxtlik, firavanlıq, sabitlik, sülh
arzulayıram. Bəlkə də kənardan mənim dediklərim statistik,
primitiv, hamının dediyi kimi çıxır. Amma Ukraynada və dünyada baş
verənlərə baxanda mənim arzularımı anlamaq çətin olmaz.
Əslində, xoşbəxtlik arzusunu bir az şairləşdirsək, tanınmış şair
Əli Kərimin dediyi məşhur “Nə xoşbəxt imişəm bir zaman, Allah”
kəlamı yada düşür. Bu şeri oxuyanda görürsən ki, hər bir misra, söz
çox adidir - yuxudan durmaq da, işə getmək də, evə gəlmək də -
bunların hamısı baş verən anda insan xoşbəxt olur. Allah
göstərməsin, onların hansısa biri olmayanda insan özünü doğrudan da
bədbəxt hiss edir. İstəyirəm ki, insanlar yuxudan normal,
sağ-salamat dursunlar, səhər yeməyini yesinlər, sevdikləri işə
getsinlər, yaxşı istirahət etməyi, öz uşaqları, ailələri ilə
günlərini xoş keçirməyi bacarsınlar, onların dolanışıq problemi
olmasın, istirahətlərini planlaşdırarkən, toy edərkən problemləri
olmasın. Allah göstərməsin, başlarına şər iş gələrsə, yas
keçirərkən problemləri olmasın.
Qoy həmişə dövlətimizin gücü, qüdrəti çox olsun. Biz Azərbaycan
dövlətini hər zaman güclü səviyyədə görək. Yaponiyada sunami olanda
təmənnasız olaraq 1 milyon dollar yardım etdiyimiz kimi, çətinliklə
üzləşənlərə kömək əlimizi daim uzada bilək. Məhz özümüzü dünyada
güclü dövlətin vətəndaşı kimi hiss edək. Biz güclü dövlətin
vətəndaşı olduğumuzu hiss edirik, ancaq get-gedə daha da güclü
olmalıyıq.
Təbii ki, xalqımızın istəyi, arzusu kimi, mənim də vətəndaş olaraq
əsas istəyim, arzum ölkəmizin ərazi bütövlüyünün bərpa edilməsi,
torpaqlarımız işğaldan azad olunması, Azərbaycan bayrağının daha
ucalarda dalğalanmasıdır.
Yeni ildə də bütün planlarımızın əsasında Azərbaycanın dövlət
müstəqilliyi dayanacaq. Məhz buna görədir ki, analitik verilişimiz
ən yüksək səviyyələrdə yaxşı qarşılanır, təqdir olunur və buna görə
kollektivimizin ünvanına xoş sözlər deyilir. Bu, bizim üçün yaxşı
final olduğu kimi, yeni ildə də yaxşı start olacaq.
-
Hadisə21:10
Qırmızı işıqda keçən nazirin maşını aşdı - FOTO
-
Magazin120:22
Müğənni Yalının qohumu sevgilisi tərəfindən qətlə yetirildi - FOTO
-
Dünya19:57
Zelenski onu yeni vəzifəyə təyin etdi
-
Magazin119:15
Talıb Talenin toyu olacaq: özündən 15 yaş kiçik xanımla... - VİDEO
-
Nida Xəbər 18:55
Ermənistanla sərhəddə işlərin 35 faizi yerinə yetirildi
-
Magazin118:00
"Elgiz və Zaur verilişinə getmək üçün mənə pul verir"
-
Nida Xəbər 17:25
İlham Əliyev Almaniyada mühüm tədbirdə çıxış etdi - Yeniləndi
-
Rəsmi xronika16:53
İlham Əliyevin Almaniya XİN rəhbəri ilə görüşü keçirildi