• USD 1,7339 0,00% EUR 1,8516 0,00%
    • GBP 2,1859 0,00% RUB 0,0272 0,00%

Məktəblilər yol qəzalarından belə qorunacaq

Məktəblilər yol qəzalarından belə qorunacaq

Azərbaycan Tələbə Gənclər Təşkilatları İttifaqı (ATGTİ) Gənclər və İdman Nazirliyinin dəstəyi ilə birgə ölkəmizdə ilk dəfə “Qaranlıqda görün” şüarı altında Bakı şəhəri Nəsimi rayonunda yerləşən orta məktəblərdə tədbir keçirib.

Publika.Az-ın verdiyi xəbərə görə tədbir “İşıqlı həyat” sosial yönümlü layihə çərçivəsində həyata keçirilir.

Azərbaycanda ilk dəfə böyük və yeni sosial layihə olan “İşıqlı həyat”ın əsas məqsədi - Azərbaycan əhalisinin, xüsusən yeniyetmə və gənclərin gecə saatlarında yol təhlükəsizliyini təmin etmək, ölkəmizdə yol-nəqliyyat hadisələri zamanı baş verə biləcək ölüm faktlarının qarşısını almaqdır.

Tədbirdə layihənin əhəmiyyətliliyindən bəhs edilib, şagirdləri maraqlandıran suallar cavablandırılıb. Tədbirdə xüsusi olaraq hazırlanmış işıqqaytarıcıların paytaxtın orta və ali məktəblərində təmənnasız olaraq paylanacağı bildirilib.

Tədbirin sonunda məktəb şagirdlərinə işıqqaytarıcılar paylanılıb.

Qeyd edək ki, “İşıqlı həyat”a qoşulan hər kəs xüsusi işıqqaytarıcılarından istifadə edərək layihəyə dəstək verir, eyni zamanda öz təhlükəsizliyini nisbətən təmin etmiş olur.

Publika.Az

Xəbər lenti

DAHA ÇOX XƏBƏR