Qırmızı.az
Bulvarda I Avropa Oyunlarına həsr edilən möhtəşəm konsert olub
Mayın 30-da Heydər Əliyev Fondunun dəstəyi ilə Dənizkənarı Milli Parkda birinci Avropa Oyunlarına həsr olunan “Dostlarla Oyunlara” şüarı altında konsert təşkil edilib.
Birinci Avropa Oyunlarını dəstəkləyən konsertdən əvvəl ölkəmizin bu mötəbər tədbirlərə hazırlığını əks etdirən videoçarx nümayiş olunub. Saat qülləsinin yanında bir neçə saat davam edən konsertdə şəhərimizin sakinləri və paytaxtımızın qonaqları respublikamızın tanınmış incəsənət ustalarının çıxışlarını böyük maraqla izləyiblər.
“Bakı-2015” birinci Avropa Oyunlarının ulduz elçisi Murad Dadaşovun aparıcısı olduğu konsert proqramında Azərbaycanın incəsənət ustaları Tünzalə Ağayeva, Lalə Məmmədova, Samir Cavadzadə, İradə İbrahimova, Aygün Bəylər, Sevda Ələkbərzadə, Ədalət Şükürov, Eldar Qasımov, Röya Ayxan, Manana Caparidze və başqalarının çıxışları gözəl yaz axşamında şəhərimizin sakinlərinə və paytaxtımızın qonaqlarına bayram əhval-ruhiyyəsi bəxş edib. Sevda Ələkbərzadənin və Samir Cəfərovun birgə ifa etdikləri “İlk Avropa Oyunları” mahnısı isə xüsusi alqışlarla qarşılanıb.
Səhnədə quraşdırılmış böyük monitorda birinci Avropa Oyunlarını təbliğ edən süjetlər təqdim olunub. Azərbaycanı görmək üçün İngiltərədən gəlmiş 11 yaşlı Corciya haqqındakı videosüjet də tamaşaçılar tərəfindən maraqla qarşılanıb.
Dənizkənarı Milli Parka toplaşanlar gündən-günə gözəlləşən və Prezident İlham Əliyev tərəfindən həyata keçirilən uğurlu siyasət nəticəsində yeni, möhtəşəm görkəm alan doğma Bakıdakı bu konsertə maraqla tamaşa ediblər.
-
İdman23:46
Lalə Kramarenko: Azərbaycanın təklifini qəbul etmək xəyanət olar
-
Sosial23:34
Dünya rekordçusu olan laçınlı nənə Heydər Əliyevlə bağlı xatirələrini bölüşdü - VİDEO
-
Ekologiya23:10
Günəşdə 25 ilin ən güclü partlayışı baş verdi
-
Art22:21
Murad Muradov süni nəfəs aparatına qoşulub - YENİLƏNDİ
-
Elm və təhsil22:00
Abituriyentlərin NƏZƏRİNƏ: nəticələr elan olundu
-
Hadisə21:25
Kürdəxanı təcridxanasında bit yayılıb? - RƏSMİ AÇIQLAMA
-
Hadisə20:15
Oteldəki zəhərlənmə ilə bağlı YENİ ŞOK İDDİA
-
Nida Xəbər 18:30
Prezidentdən Fransaya XƏBƏRDARLIQ: "Kritik həddə çatsa, onda bizdən heç kim inciməsin”