Gürcüstanın müdafiə naziri: "Məhz Azərbaycanın göndərdiyi helikopterlə..."
Bizi izləyin

Sosial

Gürcüstanın müdafiə naziri: "Məhz Azərbaycanın göndərdiyi helikopterlə..."

Gürcüstanın müdafiə naziri Levan İzoriya ölkə ərazisində davam edən güclü yanğınların söndürülməsində Azərbaycanın göstərdiyi köməyi yüksək qiymətləndirib.

Publika.az bildirir ki, bu barədə Trend xəbər agentliyi "Georgia-Online" nəşrinə istinadən xəbər verib. Nazir Gürcüstan hökuməti və xalqı adından Azərbaycana təşəkkür edib: “ Bizə qardaşlıq köməyi göstərdiyinə görə Azərbaycana minnətdarıq. Biz yanğınların monitorinqini məhz Azərbaycanın göndərdiyi helikopterlə həyata keçirdik. Yüksək əməkdaşlıq nəticəsində yanğın ocaqlarını birgə müəyyən etməyə nail olduq”.

Nazir qeyd edib ki, yanğın ocaqları minimallaşdırılsa da, külək alovun qarşısının tam alınmasına mane olur: “Azərbaycan və digər ölkələrin köməyi ilə yanğın ərazisinə yaxın yaşayan əhalinin təhlükəsizliyini təmin etmək üçün əlimizdən gələni edəcəyik”.

Qeyd edək ki, Gürcüstanın Daba kəndi yaxınlığında yerləşən meşədə yanğın avqustun 20-dən davam edir. Hazırda yanğın lokallaşdırılsa da, tam söndürmək mümkün olmayıb. Dağlıq ərazi, külək və quru hava yanğının tam söndürülməsinə mane olur. Yanğının söndürülməsinə kömək üçün Azərbaycan 3 helikopter, texnika və canlı qüvvə göndərib.

Oxumağa davam et
Reklam
Reklam

Gündəm