Tabloid.az
Dünyanın məşhur musiqiçiləri Bakıda konsert verdi – FOTO
Bakıda məşhur Vyana Ştraus Festival Orkestrinin Bakıda ilk dəfə konserti olub.
Publika.az-ın məlumatına görə, Heydər Əliyev
Mərkəzində keçirilən konsertdə dünya şöhrətli avstriyalı bəstəkar,
“Valsın kralı” İohan Ştrausun, eləcə də digər Vyana klassiklərinin
ölməz əsərləri səslənib.
Orkestrin yaradıcısı və bədii rəhbəri, məşhur dirijor, virtuoz
skripkaçı Peter Qut ilk ifadan sonra səmimi ünsiyyəti ilə də
tamaşaçıların diqqətini cəlb edib. O, Bakıda olmaqdan və nadir
memarlıq nümunəsi olan Heydər Əliyev Mərkəzində konsert verməkdən
böyük şərəf duyduğunu bildirib. Vyanada möhtəşəm tikililərin
olduğunu diqqətə çatdıran Peter Qut bu Mərkəzin daha geniş və
möhtəşəm olduğunu etiraf edib.
Konsertin maraqlı məqamlarından biri isə Peter Qutun orkestrin
müşayiəti ilə skripkada ifası olub. İohan Ştraus ənənəsinin
davamçısı olan sənətkar skripka ifası və dirijorluğu ilə
dinləyiciləri valeh edib.
Orkestrin solisti Monika Mozerin (soprano) operettalardan
səsləndirdiyi parçalar isə tamaşaçıları ifa olunan əsərlərin
qəhrəmanlarına qısa zaman kəsiyində də olsa yaxınlaşdırıb. Monika
Mozerin yüksək ifası ilə yanaşı, artistik məharəti isə tamaşaçıları
ayaq üstə alqışlamağa sövq edib.
Vyana Ştraus Festival Orkestri 1978-ci ildən fəaliyyət göstərir və
Vyana şəhərinin musiqi mədəniyyətinin qoruyucusu rolunda çıxış
edir.
Orkestr müxtəlif festivalların, həmçinin Avropada hər il keçirilən
Ştraus Festivalının daimi iştirakçısıdır. Hər il yanvarın 1-də
məşhur Vyana bal festivalı bu orkestrin iştirakı ilə açılır.
Orkestr 35 illik fəaliyyətində Yaponiya, Çin, Koreya Respublikası,
Rusiya, Türkiyə, Rumıniya və digər ölkələrdə çıxış edərək böyük
tamaşaçı auditoriyasının qəlbini fəth edib.
Heydər Əliyev Mərkəzində Vyana Ştraus Festival Orkestrinin konserti tamaşaçılara unudulmaz anlar bəxş edib.
Cəvahir
-
Magazin101:30
Azərbaycan “Avroviziya-2024”ün finalına keçə bilmədi
-
Magazin100:30
Fahree və İlkinin “Avroviziya”dakı çıxışı - VİDEO
-
Qoroskop00:15
Günün ULDUZ FALI: axşam saatlarında travma təhlükəsi var
-
İdman00:00
"Bayern"in baş məşqçi postuna yeni namizəd BƏLLİ OLDU - FOTO
-
Kriminal7 May 23:48
Bakıda kişi sevgilisinə “mənim olmalısan” deyib QANINI TÖKDÜ
-
İKT7 May 23:24
İki qurum əhaliyə XƏBƏRDARLIQ ETDİ - FOTO
-
Magazin17 May 23:07
“Avroviziya-2024”ün birinci yarımfinalı başladı - CANLI
-
Cənubi Qafqaz7 May 22:52
Ermənistanda əsgər GÜLLƏLƏNDİ