• USD 1,7339 0,00% EUR 1,8297 0,00%
    • GBP 2,2001 0,00% RUB 0,0270 0,00%

Kətan toxumunun inanılmaz faydaları

Kətan toxumunun inanılmaz faydaları

Kətan toxumu sağlamlığımızı qoruyacaq və bizi gümrah saxlayacaq bir çox xüsusiyyətə malikdir. Təbii üsulla bir çox xəstəliyin qarşısını almaq üçün kətan toxumundan istifadə etmək vacibdir.

Tabloid.az Türkiyə mətbuatına istinadən xəbər verir ki, kətan toxumu xolesterolu aşağı salır, iflic və xərçəngdən qoruyur. Kətan toxumu mədə xəstəlikləri zamanı da yaxşı təsir edir. Mədənin iç divarlarını təmizləyir, bağırsaqların fəaliyyətini yaxşılaşdırır, qəbizliyin qarşısını alır. Mədə və bağırsaqların fəaliyyətini sürətləndirdiyi üçün pəhriz saxlayanlar kətan toxumundan istifadə edirlər.

Yaddaşsızlıqdan əziyyət çəkənlər də kətan toxumundan yararlana bilərlər. Tərkibindəki yararlı maddələr sayəsində yaddaşı qüvvətləndirən kətan toxumunun faydaları bununla da bitmir. Bu möcüzəvi qida qan şəkərini nizamlayır, dəri xəstəliklərini sağaldır, bədəndəki yaraların tez sağalmasını təmin edir. Bu kimi problemlərlə üzləşdikdə dəstəkləyici qida kimi qəbul edə bilərsiniz. Kətan toxumu sümük və əzələ sistemi üçün də fayadalı hesab edilir. Bəzi tənəffüs yolu xəstəlikləri zamanı da kətan toxumundan istifadə etmək təklif olunur.

Gözəlliyinizin qayğısına qalmaq üçün də kətan toxumundan istifadə etməyiniz vacibdir. Çünki bu qida dəridəki toxumaları yeniləyir, yeni hüceyrələrin yaranması prosesini sürətləndirir.

Kətan toxumunu 1 stəkan az yağlı qatığa 1-2 çay qaşığı əlavə edərək gündə bir dəfə yeyə bilərsiniz. Şorbalara, salatlara da əlavə etmək mümkündür.

Tabloid.az

Xəbər lenti

DAHA ÇOX XƏBƏR