• USD 1,7430 0,00% EUR 1,8487 0,00%
    • GBP 2,1929 0,00% RUB 0,0275 0,00%

Gicitkənlə kəpəkdən xilas olun!

Gicitkənlə kəpəkdən xilas olun!

İnsanı daladığı üçün çoxumuzun uzaq durduğu gicitkən otu sağlamlığımızın və gözəlliyimizin qayğısına qalan ən yaxşı bitkilərdən biridir. Qansızlıqdan, böyrək daşına, romatizmdən, damar xəstəliklərinə qədər bir çox dərdin dərmanı olan gicitkən otundan gözəllik prosedurlarında da istifadə edə bilərsiniz. Təzə gicitkən otu daha faydalıdır, ancaq qurudulmuşundan da istifadə etmək olar.

Sızanaqlardan xilas olmaq, saçların tökülməsinin qarşısını almaq və onları möhkəmləndirmək üçün bu faydalı bitkini sınaqdan keçirin.

Gicitkən ən çox da kəpəkdən əziyyət çəkənlərin köməyinə gəlir. Gicitkən otu sayəsində kəpək problemindən həmişəlik qurtula bilərsiniz.

Bəs bunun üçün nə etmək lazımdır?

1-ci üsul: yarım litr təzə qaynadılmış suyun içərisinə, 5 paket gicitkən çayını əlavə edin. Qabın ağzını bağlayın və 5-10 dəqiqə dəmlənməsini gözləyin. Soyuduqdan sonra bu su ilə şampunla yuduğunuz saçlarınızı durulayın. Bu zaman saç diblərini masaj etməyi də unutmayın.

2-ci üsul: 100 qram gicitkən otunu iki litr sirkənin içərisində saxlayın. Səkkiz gün sonra süzüb əldə etdiyiniz suyla baş dərisini masaj edin. Davamlı olaraq, həftədə 2 dəfə bu proseduranı təkrarladıqda həm kəpəkdən xilas olacaqsınız, həm də saçlarınız güclənəcək.

Tabloid.az

Xəbər lenti

DAHA ÇOX XƏBƏR