Dünya

Ermənistanda yeni etiraz aksiyaları başladı – VİDEO (FOTOLAR)

29 Yanvar 2015 15:32

Bu gün səhərdən etibarən erməni sahibkarlar ölkədəki mövcud uğursuz iqtisadi siyasətə qarşı İrəvanda kütləvi etiraz aksiyalarına başlayıb.

Publika.az-ın Ermənistan mediasına istinadən verdiyi məlumata görə, kütləvi aksiyalara minlərlə insan toplaşıb.

Etiraz edən kütlə əsasən Ermənistanın Nazirlər Kabineti binası qarşısına yığışıb. Etirazçılar Ermənistan prezidentinin və baş nazirin yürütdüyü yarıtmaz sosial-iqtisadi siyasətin ölkədə yaratdığı vəziyyət barədə şüarlar səsləndirir və çıxışlar edirlər. Aksiyada həmçinin sahibkarlar vergi ilə bağlı yeni qanunun qüvvəyə minməsinə də etiraz edirlər. Sahibkarlar köhnə qanunun saxlanılmasını, ölkədə ticarətçilərə qarşı davam edən repressiyalara son qoyulmasını, insanların həyat səviyyəsinin yüksəldilməsi üçün əlavə tədbirlərin görülməsini tələb edirlər.

Ermənistan hakimiyyəti aksiyaları dağıtmaq üçün əraziyə polis dəstələri cəlb edib. Hazırda etiraz aksiyası davam edir.

Vasif Həsənli