Ağ Ev Hellouin bayramını ləğv etməyəcək

Bu yaxınlarda koronavirusa yoluxan ABŞ Prezidenti Donald Tramp artıq sağalmaq üzrə olduğu üçün Ağ Evdə hər il ənənəvi olaraq qeyd edilən bayramı təxirə salınmayacaq.

Publika.az xəbər verir ki, bu barədə CNN məlumat yayıb.

“Hər il planlaşdırıldığı kimi Ağ Evdə bayrama hazırlıqlar sürətlə davam edir”, - jurnalistlər sitat gətirib.

Ənənəvi olaraq, tədbirə Ağ Evin işçiləri, eləcə də paytaxt məktəblərinin şagirdləri və hərbçiləri dəvət olunacaq. Bu il Federal Xəstəliklərə Nəzarət və Profilaktika Mərkəzinin (CDC) tələbləri nəzərə alınaraq iştirakçıların ən azı maskalar taxaraq məsafə saxlamaları lazım olacaq.

Xatırladaq ki, 2 oktyabrda ABŞ prezidenti Donald Tramp özü və xanımı Melaniyanın koronovirus testinin cavabının müsbət olduğunu elan etmişdi. Ona koronavirusa qarşı antikor kokteyli vurulub, o, eyni dərmanı sonradan ölkə sakinlərinə tamamilə pulsuz paylayacağına söz verib. Yeri gəlmişkən, ölkə başçısının müalicəsinin yüz min dollardan çox olduğu deyilir. Onun artıq koronavirusdan sağaldığı və xəstəliyə qarşı immunitent inkişaf etdirdiyini bildirilib.

Aytən Məftun