ABŞ
ABŞ qoşunları Əfqanıstandan çıxarılır - Tarix AÇIQLANDI
ABŞ Prezidenti Cozef Bayden əkiz qüllələrə edilən hücumun 20-ci ildönümü - sentyabrın 1-dək Amerika qoşunlarını Əfqanıstandan çıxarmaq niyyətindədir.
Publika.az xarici KİV-lərə istinadla xəbər verir ki, bu barədə Vaşinqton administrasiyasının yüksək ranqlı nümayəndəsi Əfqanıstandakı vəziyyətə həsr olunan xüsusi brifinqin gedişində bildirib.
“Biz mayın 1-dən heç bir şərt irəli sürmədən Əfqanıstandan qoşunların nizamlı çıxarılması prosesinə başlayırıq və sentyabrın 11-dək ölkədəki bütün amerikalı hərbçiləri çıxarmağı planlaşdırırıq”, - deyə o bildirib.
Amerika icra hakimiyyətinin nümayəndəsi, həmçinin qeyd edib ki, Vaşinqton “Taliban” hərəkatını amerikalı hərbçilərə hücumdan çəkinməyə çağırıb.
“Biz “Taliban” hərəkatına qoşunların çıxarılması zamanı amerikalı hərbçilərə edilən istənilən hücuma qətiyyətlə cavab verəcəyimizi bildirmişik”, - deyə o əlavə edib.
Vaşinqton administrasiyasının nümayəndəsi ABŞ-ın terrorizmə qarşı mübarizə aparmaq üçün regionda yetərincə hərbi kontingent saxlayacağını da bildirib.
Xatırladaq ki, fevralın 29-da ABŞ və “Taliban” hərəkatı arasında sülh sazişi imzalanıb. Sazişə əsasən, Birləşmiş Ştatlar və müttəfiqləri 14 ay ərzində öz qoşunlarını Əfqanıstandan çıxarmalıdır. “Taliban” isə öz növbəsində ölkə ərazisini Birləşmiş Ştatlar və müttəfiqlərinin təhlükəsizliyinə təhlükə törədəcək fəaliyyət üçün istifadə etməyəcəkləri barədə zəmanət verib.
-
Magazin109:00
Aygün Kazımovanın qızının yeni görüntüləri yayıldı - FOTO
-
Magazin207:30
İllərlə GİZLƏDİLƏN GÖZƏL: bu dəfə rus dizaynerin xəz paltarında parladı - FOTO/VİDEO
-
Səhiyyə06:16
Uşaqlarda qan xərçəngi üçün yeni risk faktoru aşkarlandı
-
MDB05:45
Rusiyada MÖCÜZƏ BAŞ VERDİ: 13-cü mərtəbədən yıxılan qız sağ qaldı
-
İnanc04:44
Qüdsdə Müqəddəs Od: Möcüzəni görmək üçün izdiham yaşandı - FOTO/VİDEO
-
Magazin101:41
Namiq Qaraçuxurlu: “Ayrılığı çətin keçirirəm”
-
İdman01:11
Ronaldo het-trik etdi - VİDEO
-
Magazin100:15
Elzanın oğlu əsəbiləşib məclisi tərk etdi - FOTO