ABŞ

ABŞ vətəndaşlarını dərhal Ukraynanı tərk etməyə çağırır

15 İyul 2022 08:48

Amerika Birləşmiş Ştatları öz vətəndaşlarını Ukraynaya girməməyə çağırır və orada olanlardan dərhal ölkəni tərk etmələri xahiş olunur.

Publika.az xəbər verir ki, bu barədə ABŞ-ın Ukraynadakı səfirliyi məlumat yayıb..

"Rusiyanın davam edən hərbi hücumları, ölkədə aktiv hərbi əməliyyatlar və qeyri-müəyyən təhlükəsizlik şəraiti səbəbindən Ukraynada təhlükəsizlik vəziyyəti qəddar və gözlənilməz olaraq qalır. ABŞ səfirliyi ABŞ vətəndaşlarını Ukraynaya girməməyə və Ukraynada olanları təhlükəsiz olduğu təqdirdə şəxsi yerüstü nəqliyyat vasitələrindən istifadə edərək dərhal ölkəni tərk etməyə çağırır”, - deyə məlumatda qeyd olunub.

Həmçinin, səfirlik amerikalılardan kütləvi toplantılardan və təşkil olunan tədbirlərdən çəkinməyi xahiş edir , çünki onlar Ukraynanın istənilən yerində, o cümlədən qərb bölgələrində Rusiya hərbçilərinin hədəfinə çevrilə bilərlər.

Amerika diplomatik departamenti raket hücumu zamanı təlimat da dərc edib.

Hüseyn İbadlı