ABŞ

ABŞ hökm verdi: Netanyahunun siyasi karyerası bitir - Yerinə 3 namizəd var

2 Noyabr 2023 11:25

ABŞ prezidenti Co Bayden hesab edir ki, İsrailin baş naziri Binyamin Netanyahunun siyasi karyerası başa çatmaq üzrədir.

Publika.az xəbər verir ki, bu barədə çərşənbə günü "Politico" qəzeti Amerika administrasiyasındakı mənbələrə istinadən məlumat yayıb.

Nəşr yazır ki, Ağ Ev “Netanyahunun baş nazir kimi günlərinin sayılı olduğuna inanır” və o, “bir neçə ay və ya İsrailin Qəzza zolağında hərbi əməliyyatının ilkin mərhələsi başa çatana qədər davam edəcək”.

“Politico” qeyd edir ki, Bayden Netanyahu ilə şəxsi söhbətində baş nazir kimi gələcək perspektivlərini müzakirə edib və onu “varişinə hansı ssenari təklif edəcəyini düşünməyə” dəvət edib. Qəzetin yazdığına görə, Amerika administrasiyasının nümayəndələri İsrailin keçmiş baş naziri Naftali Bennett, müxalifət liderlərindən biri, keçmiş müdafiə naziri Benni Qantz və parlament müxalifətinin lideri Yair Lapidlə danışıqlar aparır.

Tural