ABŞ

Pentaqon göstəriş verdi: təyyarədaşıyan gəmi bu bölgəyə gəldi

22 Avqust 2024 17:28

Amerika ordusuna məxsus “USS Abraham Lincoln” təyyarədaşıyan gəmisi Pentaqonun göstərişi ilə ABŞ Mərkəzi Komandanlığının (CENTCOM) Şərqi Aralıq dənizindəki əməliyyat bölgəsinə çatıb. “USS Abraham Lincoln” bölgədəki digər təyyarədaşıyan “USS Theodore Roosevelt” ilə birlikdə fəaliyyət göstərəcək.

Publika.az xəbər verir ki, iyulun 31-də Tehranda HƏMAS Siyasi Bürosunun sədri İsmayıl Haniyənin öldürülməsindən sonra İranın İsrailə qarşı gözlənilən cavab hücumu ilə əlaqədar Yaxın Şərqdə gərginlik yüksəkdir.

ABŞ Mərkəzi Komandanlığından verilən açıqlamada “F-35C” və “F/A-18” Blok III döyüş təyyarələri ilə təchiz edilmiş "USS Abraham Lincoln" (CVN 72) ABŞ-ın məsuliyyət zonasına daxil olub.

Digər tərəfdən, ABŞ Müdafiə Naziri Lloyd Ostin "USS Georgia (SSGN 729)" idarəolunan raket sualtı qayığının 11 avqustda İsrailin müdafiəsini dəstəkləmək üçün Yaxın Şərqə yerləşdiriləcəyini bildirib.

Aysel Şahmar