ABŞ

Tramp bütün ştatlarda Harrisi qabaqlayır

21 Oktyabr 2024 16:38

Respublikaçılar Partiyasından prezidentliyə namizəd Donald Tramp, demək olar ki, bütün ştatlarda Demokratlar Partiyasının namizədi Kamala Harrisi qabaqlayır.

Publika.az xəbər verir ki, bu barədə “The Hill” qəzeti "Decision Desk HQ"nun araşdırmasına istinadən yazıb.

Araşdırmaya görə, Tramp Harrisi 10 faiz qabaqlayır.

Tədqiqat Trampın 7 ştatdan 6-sında lider olduğunu iddia edir.

Svinq ştatları ABŞ-da prezident seçkilərində Respublikaçı və Demokrat namizədlərə dəstəyin təxminən bərabər olduğu ştatlardır. Belə ştatlarda səsvermənin nəticəsi gözlənilməzdir və hər iki tərəfin xeyrinə ola bilər. Bu ştatlar seçkinin qalibinin müəyyən edilməsində əsas rol oynayır, çünki onların nəticələri çox vaxt Seçici Kollegiyasının səsverməsinin nəticəsini müəyyənləşdirir.

Adəm Abbaslı