Tramp qələbəyə hazırlaşdığını BƏYAN ETDİ

Respublikaçılar Partiyasından prezidentliyə namizəd Donald Tramp özünün "Truth Social" sosial şəbəkəsində videomüraciət yayıb.

Publika.az xəbər verir ki, o, prezident seçkilərində böyük qələbə gözlədiyini bildirib.

“Bu axşam bizi böyük qələbə gözləyir”, - deyə siyasətçi bildirib.

Tramp həmçinin Respublikaçılar Partiyasının tərəfdarlarını səsverməni davam etdirməyə, növbələrə durmağa və iradə ifadə olunana qədər seçki məntəqələrini tərk etməməyə çağırıb.

Bundan bir qədər əvvəl siyasətçi tərəfdarlarının seçkilərdən sonra iğtişaş törətməyəcəyinə əmin olduğunu bildirib, çünki onlar zorakı insanlar deyil.

Xatırladaq bu gün - noyabrın 5-də ABŞ-da 60-cı prezident seçkiləri başlayıb. Hazırkı vitse-prezident Kamala Harris bu vəzifəyə Demokratlar Partiyasından namizədliyini irəli sürür. Ağ Evin keçmiş rəhbəri Donald Tramp Respublikaçılar Partiyasının namizədi olub. Co Bayden prezidentlik yarışından imtina etdikdən sonra 78 yaşlı Tramp bu posta ən yaşlı namizəd olub. Siyasətçi qalib gəlsə, bu, onun ikinci müddətinə çevriləcək, o zaman qanuna görə yenidən prezidentliyə namizəd ola bilməyəcək.

Hüseyn İbadlı