Trampın andiçmə mərasimini bu qədər tamaşaçı izləyib: Baydenin rekordunu qırıb?

Yanvarın 20-də ABŞ prezidenti Donald Trampın andiçmə mərasimini 24,6 milyon televiziya tamaşaçısı izləyib.

Publika.az xəbər verir ki, bu barədə "Nielsen" analitik şirkəti məlumat yayıb.

Şirkətin yaydığı məlumata görə, 2021-ci ilin yanvar ayında Trampın sələfi Co Baydenin andiçmə mərasimini 33,8 milyon insan izləyib.

Qeyd edək ki, yanvarın 20-də Trampın andiçmə mərasimi zamanı televiziya ekranlarında ən çox tamaşaçı sayı yerli vaxtla saat 12:15-də (Bakı vaxtı ilə 21:15) qeydə alınıb. Yayımı 15 telekanal həyata keçirib.

Yanvarın 20-də 78 yaşlı respublikaçı Donald Tramp and içərək rəsmi olaraq ABŞ-ın 47-ci prezidenti olub. O, vəzifəsinin icrasına başladıqdan sonra Meksika ilə sərhəddə fövqəladə vəziyyət rejiminin tətbiqi və oraya qoşun göndərildiyini elan edib. Yeni dövlət başçısı həmçinin Meksika körfəzinin adının Amerika Körfəzi adlandırılması planlarını təsdiqləyib və ölkədə yalnız iki cinsin tanınacağına əmin edib.

Bundan əlavə, o, söz azadlığını ABŞ-a qaytaracağını vəd edib. Tramp bildirib ki, onun andiçmə mərasimi Amerikanın “qızıl dövrü”nün başlanğıcı olub.

Adəm Abbaslı