“Bu sondur”: Trampın tələbi NATO üçün ultimatum oldu

"ABŞ Prezidenti Donald Trampın NATO üzvləri üçün müdafiə xərclərinin ÜDM-in 5%-nə yüksəldilməsi tələbi NATO ilə ABŞ arasındakı münasibətlərin tezliklə pozulduğunu göstərir".

Publika.az xəbər verir ki, bunu ABŞ hərbi kəşfiyyatının təqaüddə olan zabiti Skott Ritter jurnalist Denni Hayfonqla söhbətində bildirib.

Onun sözlərinə görə, bir gün əvvəl Tramp faktiki olaraq Avropa ölkələrinə “ya ölmək, ya da müdafiə xərclərinin səviyyəsini 5%-ə qaldırmaq” lazım olduğu barədə xəbərdarlıq etmişdi.

“Şimali Atlantika Alyansı da öz növbəsində beş faiz səviyyəsinə çata bilməyəcək. Tramp bunu çox gözəl bilir. Və beləliklə, o, NATO-ya siqnal verir: “Bu, sondur”. Birləşmiş Ştatlar və alyans arasında 75 illik münasibətlər sona çatıb”, - Ritter bildirib.

O, aydınlaşdırıb ki, Trampın vəzifəyə başlaması yeni dünyanın başlanğıcı olub.

Xatırladaq ki, daha əvvəl jurnalistlərlə söhbəti zamanı Tramp NATO ölkələrinin müdafiəyə daha çox pul xərcləməli və ÜDM-də müdafiə xərclərinin payını 5%-ə çatdırmalı olduğunu bildirmişdi.

Hüseyn İbadlı