Avropa

Fransada radardan itən təyyarənin qalıqları tapıldı (YENİLƏNDİ)

9 Yanvar 2019 22:14

Fransa Hərbi Hava Qüvvələrinə məxsus Mirage 2000D döyüş təyyarəsi qəzaya uğrayıb.

Hadisə ölkənin şərqində baş verib.

Təyyarə bu gün səhər saatlarında radarlardan itib. Təyyarənin qalıqları tapılıb. Qırıcının göyərtəsində iki ekipaj üzvü olub.

***

Fransaya məxsus “Mirage 2000-D” hərbi təyyarəsi ölkənin şərqindəki dağlıq ərazilərdə radarlardan itib. Güman edilir ki, təyyarə qəzaya uğrayıb.

Publika.az xarici KİV-lərə istinadla xəbər verir ki, Fransa rəsmilərinin bildirdiyinə görə, təyyarədə iki pilot olub və o, Nansi-Oçey hərbi bazasından havaya qalxdıqdan qısa müddət sonra radarlardan itib. Pilotlarla əlaqə qurmaq mümkün olmayıb və dərhal axtarışa başlanılıb.

“L'est Republican” qəzetinin yazdığına görə, həmin ərazidə bəzi əşyalar, o cümlədən paraşüt və xəritə tapılıb. Təyyarənin yoxa çıxdığı əraziyə son günlər yağan güclü qar axtarış əməliyyatını çətinləşdirib.