Avropa

Notr Damda beş ildən sonra Milad mərasimi keçirildi

25 Dekabr 2024 08:36

Yanğından sonra bərpa olunan Notr-Dam Katedralində (Notre Dame de Paris) katolik Milad bayramı münasibətilə ilk gecə mərasimi keçirilib.

Publika.az xəbər verir ki, bu barədə "RİA Novosti" məlumat yayıb.

Katoliklər ənənəvi olaraq dekabrın 24-dən 25-nə keçən gecə İsa Məsihin Doğum gününü qeyd edirlər.

Yerli vaxtla saat 15:00-dan fransız katolikləri bu il beş ildən sonra ilk dəfə keçirilən Milad mərasimində iştirak etmək üçün kilsənin qarşısına toplaşmağa başlayıblar.

Dekabrın 24-də bir neçə ibadət mərasimi keçirilib: 16:00, 18:00 və 20:00-da gecə yarısından əvvəl.

Musiqili ayıqlıqdan sonra gecə yarısı saat 23:00-da Paris arxiyepiskopu Loran Ulrix tərəfindən mərasim keçirilib. Dekabrın 25-də, Milad gününün özündə, arxiyepiskop da saat 11:00-da xidmət göstərəcək. Bu günə daha iki xidmət nəzərdə tutulub: 8:30 və 18:00.

Bununla belə, Parisin əsas kafedral kilsəsinə giriş hələ də ciddi şəkildə məhduddur, içəriyə 2700 nəfərdən çox adam buraxılmır.

Hüseyn İbadlı