Avropa

Putin və Makron arasında telefon danışığı oldu

9 Sentyabr 2019 01:50

Rusiya prezidenti Vladimir Putin fransalı həmkarı Emmanuel Makronla telefon söhbət edib.

Publika.az “RİA-Novosti” agentliyinə istinadən xəbər verir ki, bu haqda Kremlin saytında bildirilir.

Telefon danışığının gedişatında Putin Makrona bildirib ki, “Normand dördlüyü” növbəti sammitinin gündəliyini diqqətlə hazırlamaq lazımdır. Kremlin başçısı həmçinin, 2015-2016-cı illərdə Paris və Berlin görüşlərində əldə olunmuş razılaşmaların Kiyev tərəfindən icrasına ehtiyac olduğunu deyib.

Dövlət başçıları həmçinin, Ukrayna və Rusiya arasında məhbusların mübadiləsini müsbət qiymətləndiriblər. Putin və Makron ümidvar olduğunu ifadə ediblər ki, bu humanitar aksiya Moskva və Kiyev arasında münasibətlərin normallaşmasına kömək edəcək.