Şahzadənin "sağ əli"nin cinayətləri ORTAYA ÇIXDI - 3 ölkə onu axtarır

Böyük Britaniyada fəaliyyət göstərən “Stoke White” hüquq firması Birləşmiş Ərəb Əmirlikləri və subpodratçısı Məhəmməd Dahlanı məhkəməyə verib.

Publika.az xəbər verir ki, firma BƏƏ ordusunun Yəməndə sui-qəsd və işgəncə kimi müharibə cinayətləri törətmə ittihamları ilə sözügedən ünvanları ABŞ, Böyük Britaniya və və Türkiyə məhkəmələrinə şikayət edib.

BƏƏ-nin ali səlahiyyətli siyasi liderlərinin və onların səlahiyyət verdiyi şəxslərin tutduğu muzdlu əsgərlər bu cinayətlərin əsas məsuliyyət daşıyanları kimi göstərilib.

Zərərçəkən qismində ifadə verənlərdən biri 2015-ci ildə Əl-İslah Partiyasının Adendəki binasını hədəf alan bombalı hücumdan son anda qurtulan Abdulla Daubalah, digəri isə BƏƏ-yə aid mərkəzdə işgəncəyə məruz qalan Nəssir Mofqah olub.

Günahlandırılan şəxslər arasında BƏƏ-nin vəliəhd şahzadəsi Məhəmməd ibn Zayedin baş məsləhətçilərindən olan Məhəmməd Dahlanın adı xüsusi diqqət çəkir. O, Türkiyənin terrorla mübarizə çərçivəsində tərtib edilmiş axtarış siyahısında qırmızı kateqoriyada yer alır.

Zümrüd