Avropa

Sərnişinlə dolu qatar YANAN MEŞƏYƏ GİRDİ - DƏHŞƏTLİ VİDEO

18 İyul 2022 23:00

Avropada termal apokalipsis baş verir: Fransa, İspaniya, Portuqaliya istidən əziyyət çəkir. Vəziyyət şiddətli yanğınlarla daha da ağırlaşır.

Publika.az xəbər verir ki, qatarda olan ispaniyalı sərnişin Fransisko Seoan Peres bu səhər saat 9:30-da sərnişinlə dolu olan qatarın Senabriya şəhəri yaxınlığında dayanaraq meşə yanğını zonasında dayanması ilə bağlı dəhşətli video çəkib.

Alov sürətlə yolun hər iki tərəfinə yayılıb. Kadrlarda yanğının dəmiryol relslərindən cəmi bir neçə metr aralıda alovlandığını və insanların təşviş içində dediklərini eşitmək olur: "O dayanır... nə edir?".

Sərnişinlər bir neçə saniyə çarəsiz qalıblar. Lakin qatar yavaş templə təhlükəli yerdən çıxa bilib. Bu hadisədən sonra filialda hərəkətin bağlandığı bildirilir.

İspaniyada temperatur ən azı bir həftə ərzində 40 dərəcədən yuxarı qalxır.

Bu gün səhər saatlarına olan məlumata görə, ölkə ərazisində 36 yanğın hadisəsi qeydə alınıb, onlardan 24-ü nəzarətdən çıxıb.

Hüseyn İbadlı