ABŞ Avropaya QOŞUN YERİTDİ: "Qışqıran Qartallar" elit dəstəsi...

ABŞ-ın 101-ci Hava Desant Diviziyasından olan Amerika əsgərləri NATO-nun şərq cinahını gücləndirmək əməliyyatı çərçivəsində Bolqarıstana gəlib.

Publika.az xəbər verir ki, bu barədə "Novinite" məlumat yayıb.

Nəşrin məlumatına görə, Bolqarıstanda yerləşdiriləcək amerikalıların dəqiq sayı məlum deyil.

Bununla belə, Bolqarıstan, Rumıniya, Macarıstan və Slovakiyada yerləşdiriləcək 101-ci diviziyanın hərbçilərinin ümumi gücü iki min nəfərdən çoxdur.

NATO-nu gücləndirmək üçün amerikalılardan başqa, 750 italyan hərbçisi 50 vahid hərbi texnika ilə Bolqarıstana gələcək.

Bolqarıstan özü, bloku ölkənin Quru Qoşunlarının 140 hərbi qulluqçusu və qrupun qərargahında 15-ə qədər zabitlə təmin edəcək.

Bundan əvvəl ABŞ-ın NATO-dakı nümayəndəliyi NATO-nun şərq cinahını gücləndirmək üçün elit 101-ci “Qışqıran Qartallar” hava-desant diviziyasını Aİ-yə köçürmək planlarını açıqlamışdı. Alyansın hava cinahını “qorumaq” üçün Bolqarıstan, Rumıniya, Macarıstan və Slovakiyada 2,4 minə yaxın əsgər yerləşdiriləcək.

Xatırladaq ki, Pentaqonun rəhbəri Lloyd Ostin Baltikyanı ölkələrdə qastrol səfərində olub.

Hüseyn İbadlı