Ramşteyn aviabazasına KRİTİK TOPLANTI: müttəfiq ölkələr QƏRAR VERƏCƏK

Niderland Ukraynaya "Leopard" tanklarının tədarükü üçün pul ödəməyə hazırdır.

Publika.az xəbər verir ki, bu barədə ölkənin Müdafiə Nazirliyinin rəhbəri Kaysa Ollonqren "Bloomberg"ə müsahibəsində bildirib.

"Şübhəsiz ki, bizim etmək istədiyimiz budur", o deyib.

Ollonqren qeyd edib ki, Polşa və Finlandiya artıq Kiyevə "Leopard" tankları göndərməyə hazır olduqlarını bəyan ediblər:

"Biz hamımız Almaniyanın bu məsələdə mövqeyini gözləyirik, lakin mən həll yolu tapmağa və Ukraynaya tanklar göndərməyə çalışmağın tərəfdarıyam".

Ollongren həmçinin əlavə edib ki, yanvarın 20-də çox vacib görüş olacaq. Onun sözlərinə görə, bir neçə müttəfiq ölkənin müdafiə nazirləri Ukraynanın hərbi ehtiyaclarını müzakirə etmək üçün Almaniyanın Ramşteyn aviabazasına toplaşacaqlar.

Bundan əvvəl Fransa və Polşa Almaniyanın "Leopard" tanklarını Kiyevə köçürmək üçün Almaniyaya təzyiqi artırmışdı. Paris və Varşava öz nümunələri ilə Berlinə göstərmək istəyirdilər ki, belə tankların göndərilməsi ilə bağlı tabunu qırmaq olar.

Almaniya Nazirlər Kabinetinin nümayəndəsi Şteffen Hebeştreit bildirib ki, indi Berlin Ukraynaya "Leopard" tanklarını ötürmək niyyətində deyil. Polşanın baş naziri Mateuş Moravetski cavabında bildirib ki, Polşa artıq Ukrayna tərəfi və Qərbi Avropadan olan digər tərəfdaşlarla tankların birgə tədarükü barədə razılığa gəlib.

Hüseyn İbadlı