LGBT əsl üzünü göstərdi: Övladlarınız üçün gəlirik, pedofillərə hörmət edin

LGBT terrorizmi hədəfini açıq şəkildə bəyan edib. Belə ki, qlobal kapitalın dəstəyi ilə Nyu-Yorkda keçirilən nümayişdə gündən-günə böyüyən LGBT terrorizminin dəhşətli məqamları üzə çıxıb.

Publika.az “Sabah”a istinadən xəbər verir ki, aksiyada LGBT-nin uşaqları açıq şəkildə hədəf aldığı məlum olub.

Öz fikirlərini təlqin etməyə əsaslanan qalmaqallı aksiyalarla mənəvi pozğunluğu nümayiş etdirən LGBT fərdləri Nyu-York küçələrində “Biz buradayıq, uşaqlarınız üçün gəlirik” şüarlarını səsləndiriblər. Lakin səsləndirilən bu şüarın “zarafat” olduğu iddia edilib, reaksiyaların isə yersiz olduğu bildirilib.

Uşaqları açıq şəkildə hədəf alan təhrifin son nümunəsi olan nümayişlərlə bağlı “New York Post” qəzetinə danışan bəzi şəxslər zarafat üçün doğru zamanın olmadığını və bu sözlərin atəşi alovlandırdığını bildiriblər.

Pedofiliyanı normallaşdırmağa çalışırlar

Rəqəmsal platformalardan və sosial mediadan səmərəli istifadə edən LGBT pedofiliyanın da qanuniləşdirilməsi üçün tədbirlərə başlayıb. Belə ki, “ruhlandırıcı” çıxışların edildiyi “TEDx” bu dəfə bütün dünyanın reaksiyasını çəkəcək addım atıb.

“TEDx” spikeri Mircam Hayn deyib ki, pedofiliya dəyişməz cinsi oriyentasiyadır: “Pedofillər kimi biz də hisslərimizə görə məsuliyyət daşımırıq. Hisslərimizi biz seçmirik. Digər insanlara da pedofillərə göstərdiyimiz hörməti göstərin”. O, bununla pedofiliyaya haqq qazandırmağa çalışıb.

Pedofiliyanı müdafiə edən qalmaqallı çıxış sosial mediada da böyük əks-səda doğurub.

ABŞ prezidenti də bunu dəstəkləyir

LGBT lobbisinin xüsusilə ABŞ-da böyük gücə çevrildiyi məlum faktdır.

Uzun müddətdir ki, ABŞ-da valideynlər övladlarının məktəblərdə LGBT lobbi təbliğatına məruz qaldıqlarını bildirirlər. İbtidai məktəblərə qədər uzanan təbliğat işləri 12-13 yaşlı uşaqların cinsiyyətini dəyişməsinə səbəb olub, onları ailələrindən və cəmiyyətdən uzaqlaşdıraraq yalnız LGBT lobbisinin üzvləri ilə ünsiyyət qurmağa vadar edib.

ABŞ prezidenti Co Baydenin iştirakı ilə Ağ Evdə keçirilən LGBT tədbiri isə ABŞ hökumətinin sözügedən lobbiyə dəstək verdiyini bütün dünyaya bəyan edib.

“The Economist” jurnalının “YouGov” sorğu şirkəti ilə 27-31 may tarixləri arasında 1500 yetkin amerikalı ilə keçirdiyi ortaq sorğunun nəticələri də artan təhlükəni bir daha ortaya çıxarıb. Sorğunun nəticələrinə görə, ölkədə hər səkkiz nəfərdən biri özünü LGBT fərdi hesab edir. Hər evdə ən azı bir nəfərin LGBT üzvü olduğu bildirilir.

Sorğuda Co Bayden hökumətinin LGBT lobbisinə dəstək verdiyini söyləyənlərin sayı isə 60%-i ötüb.

Gülnar