Avropa

Rusiya dövlət nömrə nişanlı avtomobillər bu ölkəyə girə bilməyəcək

2 Oktyabr 2023 13:28

Bolqarıstan oktyabrın 2-dən Rusiya dövlət nömrə nişanlı avtomobillərin ölkəyə girişinə qadağa tətbiq edəcək.

Publika.az "RİA Novosti"yə istinadən xəbər verir ki, Avropa İttifaqının (Aİ) daha bir üzvü olan ölkə - Bolqarıstan Rusiya qeydiyyatı olan avtomobillərin ölkəyə girişinə qadağa tətbiq etmək qərarına gəlib.

Məlumata görə, Rusiya dövlət nömrə nişanlı avtomobillərin keçidinə qoyulan məhdudiyyət oktyabrın 2-i, bazar ertəsi gününün sonuna qədər tətbiq olunmağa başlayacaq. Qeyd olunur ki, qadağa yük maşınlarına da şamil edilir.

Sentyabrın əvvəlində məlum olub ki, Norveç Rusiya nömrə nişanlı avtomobillərin ölkəyə girişinə qadağa tətbiq etmək niyyətindədir. Krallığın Xarici İşlər Nazirliyi bildirib ki, məhdudiyyət oktyabrın 3-nə keçən gecə qüvvəyə minəcək.

Mehti Kamiloğlu