Fransada onlar da tətil etdilər: Ağır şəraitdə işləyirik

Fransada təqaüd yaşını tədricən 64-ə qaldıran islahatlara reaksiya olaraq liman işçiləri tətilə çıxıblar.

Publika.az xəbər verir ki, yerli mətbuatda yer alan xəbərlərə görə, Marsel və Havr da daxil olmaqla müxtəlif limanlardakı işçilər pensiya islahatına etiraz olaraq işi bir günlük dayandırıblar.

Təqaüd yaşını 62-dən 64-ə qədər artıran islahatlara etiraz edən liman işçilərinin tətili səbəbindən limanlarda fəaliyyət dayandırılıb.

Tətilçilər Havr limanının bütün girişlərini bağlayıb, həmçinin avtomobil təkərlərini yandırıblar.

Liman işçiləri ağır iş gördükləri üçün daha erkən yaşda təqaüdə çıxmaq istəyirlər.

Fransada 2023-cü il martın 16-da hökumətin pensiya yaşının 62-dən 64-ə qaldırılmasını nəzərdə tutan qanun layihəsinin qəbulundan sonra kütləvi nümayişlər başlayıb.

Polis etirazçılara sərt müdaxilə edib, ölkənin bir çox yerində zorakılıq hadisələri yaşanıb.

Ölkədə islahat əleyhinə keçirilən etiraz aksiyalarında 1000-dən çox adam saxlanılıb.

Sözügedən qanun layihəsi Fransa prezidenti Emmanuel Makron tərəfindən imzalanıb və aprelin 15-də Rəsmi Qəzetdə dərc edilib.

Tural