Avropa

Bu ölkədə iki qadın nazir evlənir - FOTO

4 Aprel 2024 14:33

Almaniyada iki nazirlik rəhbəri evlənmək qərarına gəlib.

Publika.az xəbər verir ki, Katja Mayer Saksoniyanın Ədliyyə naziri, Jozefin Pol isə Şimali Reyn-Vestfaliya əyalətinin Bərabərlik naziridir. Qadınlar bir neçə ildir birlikdədirlər və indi evlənmək qərarına gəldiklərini açıqlayıblar. Onlar Almaniya siyasətində ilk belə cütlük olacaqlar.

DW xəbər verir ki, qadınlar heç nə gizlətməmək üçün münasibətlərini 2021-ci ildə açıq elan ediblər.

“Hər kəs şəxsi həyatı haqqında nə qədər açıq danışacağına özü qərar verir, lakin bu, bir insanın heteroseksual və ya homoseksual ortaqlıqda yaşayıb-yaşamamasından asılı olmamalıdır - o zaman Mayer demişdi. O, əmindir ki, siyasətçilərin açıqlığı başqalarına öz şəxsiyyətlərini göstərmək üçün nümunə ola bilər.

Almaniyada eynicinslilərin nikahı 2017-ci ildə qanuniləşdirilib. O vaxtdan bəri ölkədə 65 mindən çox cütlük buna imza atıb.