Sırskinin planı İFLASA UĞRADI - 30 min rus əsgəri hazır vəziyyətdə gözləyir...

Ukraynanın Rusiyanın diqqətini yayındırmaq üçün başlatdığı Kursk əməliyyatı gözlənilən nəticəni verməyib, rus qoşunları strateji əhəmiyyətli Pokrovska yaxınlaşıb. Mütəxəssislər hesab edirlər ki, Moskvanın 30 minə yaxın hərbi qulluqçusu hücum və döyüş əməliyyatlarına ən çox hazır olan bölmələrə yerləşdirilib.

Publika.az xəbər verir ki, bu barədə "Hürriyət" yazır.

Kiyevin Kurska qoşun göndərməklə müharibənin gedişatını dəyişməyi planlaşdırmasından üç həftədən çox vaxt keçdi və Ukrayna lideri Zelenski hər şeyin planlaşdırıldığı kimi getdiyini deyir, lakin ruslar Ukrayna daxilində irəliləməyə davam edir.

Britaniyanın BBC telekanalının məlumatına görə, Rusiya son günlər Ukraynanın Kursk bölgəsinə transsərhəd hücumunda əldə etdiyi nailiyyətləri geridə qoyaraq böyük irəliləyiş əldə edib.

ABŞ-ın "Washington Post" qəzeti də Ukraynanın Rusiya ilə oynadığı qumarın Moskvanın şərqdəki hücumunu ləngidə bilmədiyinə diqqət çəkib:

"Kiyev generalı Oleksandr Sırski nin cəsarətli planı uğursuz olarsa, Ukrayna çoxlu sayda yaxşı təlim keçmiş əsgərlərini və Kurskda yerləşdirdiyi xarici texnikanın çoxunu itirə bilər", - nəşrin müəllifləri qey ediblər.

General Sırski çərşənbə axşamı deyib:

"Kursk əməliyyatının ən mühüm məqsədlərindən biri düşməni Pokrovsk və Kuraxove istiqamətlərindən yayındırmaq idi".

Lakin görünür ki, bu məqsəd iflasa uğrayıb.

Kiyev ciddi səhv hesablama aparmış ola bilir

Rusiya qüvvələri hazırda Ukrayna ordusunun istifadə etdiyi əsas logistika mərkəzi olan Pokrovsk şəhərindən cəmi bir neçə kilometr aralıdadır.

Mühüm dəmir yolu stansiyası və əsas yolların olduğu Pokrovsk şərq cəbhəsində Ukrayna qoşunları üçün mühüm təchizat və möhkəmləndirmə məntəqəsidir.

Analitiklər Kiyevin ciddi səhv hesablama aparmasından narahatdırlar və ordunun şərq cəbhəsinə əlavə qüvvələr göndərmək əvəzinə Kurska qoşun yeritdiyini və bununla da Pokrovsk və Ukraynanın digər mühüm şəhərlərini müdafiəsiz qoyduğunu bildiriblər.

Pokrovsk kritik önəmə sahibdir

Pokrovsk və ona bitişik Myrnohrad Donetsk vilayətinin həmin hissəsində Ukraynanın nəzarətində qalan sonuncu böyük şəhərlərdir. Ona görə də bu, hər iki tərəf üçün strateji əhəmiyyət kəsb edir. BBC-nin məlumatına görə, Pokrovsk döyüşü əslində Ukraynanın aylarla davam edən qanlı qarşıdurmadan sonra uduzduğu Avdiivka döyüşünün davamıdır.

Avdiivkanın süqutu Ukrayna üçün ciddi itki idi, indi belə bir sonun Pokrovskda baş verə biləcəyi düşünülür.

Rusiya 30 min əsgərini hazır vəziyyətdə saxlayır

Rusiya çoxdan Pokrovski əsas hədəflərindən biri hesab edir və aylardır yavaş-yavaş ona doğru irəliləyir. Ekspertlər hesab edirlər ki, Moskva Mərkəzi Ordu Qrupunun təxminən üçdə birini və ya 30 minə yaxın əsgərini özünün ən hücum və döyüşə hazır ehtiyatlarına yerləşdirib.

Rusiya da güclü sürüşmə bombalarından istifadə edərək, Ukraynanı qoşunlarını cəbhə xəttindən çıxarmağa məcbur edir.

Hüseyn İbadlı