Fransa Rusiyanı qorxutdu: Quru qoşunlarını Ukraynaya göndərir

Fransa Ukraynaya quru qoşunlarının göndərilməsini istisna etmir.

Publika.az xəbər verir ki, bunu “Berliner Zeitung” qəzetinə müsahibəsində ölkənin Avropa məsələləri üzrə dövlət katibi Benjamin Haddad deyib.

“Fransa Prezidenti Emmanuel Makron dedi ki, biz heç nəyi istisna etməməliyik və bu, doğru olaraq qalır. Xüsusilə, biz təlim missiyaları keçirməyi düşünməliyik. Bu, bizim müttəfiqlərimizlə aparmalı olduğumuz debatdır”, - deyə dövlət katibi bildirib.

Parisin Ukraynaya quru qoşunlarının göndərilməsinin istisna edilməməsi ilə bağlı mövqeyinin qalıb-qalmadığı ilə bağlı suala Haddad müsbət cavab verib. O, həmçinin Kiyevi Rusiya hədəflərinə hücumlar üçün uzaqmənzilli raketlərlə təmin etməyi zəruri hesab edib.

Fevralın 27-də Emmanuel Makron bildirib ki, o, Ukraynaya kömək üçün Qərb ölkələrindən qoşun göndərilməsini istisna etmir. Əlavə edib ki, indiyədək quru qoşunlarının göndərilməsi ilə bağlı konsensus əldə olunmayıb. Makronun fikrincə, bunun üçün şərt cəbhənin Kiyev və Odessaya irəliləməsi ola bilər.

Tural