Məşhur “qanuni oğru” polisdən qaçmaq istəyərkən 4-cü mərtəbədən tullandı və...

İspaniyada kriminal dairələrdə Sandrik kimi tanınan 40 yaşlı gürcü “qanuni oğru” Sandro Kurasbediani yerli polisdən qaçarkən 4-cü mərtəbədən atılaraq ayaqlarını sındırıb.

Publika.az xəbər verir ki, bu barədə “Prime Crime” məlumat yayıb.

Nəşrin yazdığına görə, o, tullanışın uğurlu olacağını düşünsə də, imkanlarını hesablamayıb. Hazırda həbs altında olan “qanuni oğru”nun ayaqları gipsdədir.

Onu ölkədən deportasiya gözləyir. “Prime Crime”ə görə, avtoritet “qanuni oğru” Vaja Biqanişvilinin (Vaja Tbilisski) sağ əlidir.

2020-ci ildə Beynəlxalq Cinayət Təşkilatlarının Təqibi Departamentinin və Attika Təhlükəsizlik Xidmətinin Mütəşəkkil Cinayətkarlıqla və İnsan Alverinə Qarşı Mübarizə Departamentinin əməkdaşları Sandriki Afinanın dəbdə olan cənub ətraflarında saxlamışdı. Yunan mətbuatı onu Avropadakı rus mafiyasının liderlərindən biri adlandırıb.

Sandriç İspaniya hakimiyyəti tərəfindən cinayət təşkilatının yaradılması, qanunsuz silah saxlama, saxtakarlıq, fırıldaqçılıq və çirkli pulların yuyulması ilə bağlı cinayətlərə görə axtarışdadır.

Tural