Niderlandda təqaüdçü bu qədər pensiya alır: Görün ayda ərzağa nə qədər xərcləyir

Niderlanda səfər edən rusiyalı səyyah təqaüdçülərin yemək xərclərini açıqlayıb.

Publika.az xəbər verir ki, o, bu barədə “Zen” platformasındakı şəxsi bloqunda paylaşıb.

Nəşrin müəllifi bildirib ki, bu Avropa ölkəsində yaşlı insanlar 1,3 min avro (təxminən 2600 manat) pensiya alırlar. Səyyah yerli məhsulların maya dəyərini qiymətləndirmək üçün Rotterdam şəhərindəki bazara gedib.

Məlum olub ki, məsələn, təzə alabalığın kiloqramını orada 11 avroya (təxminən 22 manat) almaq olar. Bazarda holland pendirinin kiloqramı 15 avroya (təxminən 30 manat), 0,5 kiloqram lavaş isə 1 avroya (təxminən 1 manat) satılır. Çiyələyin kiloqramı 4 avroya (təxminən 8 manat), alma 0,9 avroya (təxminən 90 qəpik), banan 1,5 avroya (3 manat), on kiloqramlıq kartof kisəsi isə 9 avroya (təxminən 18 manat) satılır.

Bloger hesablamaları üçün sadə istehlak səbətindən istifadə edib, bu səbətə ət, süd, çörək, bir az təzə meyvə, kartof, tərəvəz, pendir və təzə balıq daxildir.

"Beləliklə, bu məhsulların bir həftəlik tədarükü holland təqaüdçüsünə təxminən 90-100 avroya başa gələcək (təxminən 200 manat), yəni ayda təxminən 400 avro (təxminən 800 manat) lazım olacaq. Beləliklə, ərzaq xərclərindən sonra niderlandlı təqaüdçünün 1,3 min avro pensiyasından 900 avro qalacaq.

Tural