Zelenski Roma səfərindən sonra mühüm qərar qəbul etdi

Ukrayna Prezidenti Volodimir Zelenski respublikanın bərpası ilə bağlı razılaşmaların əldə olunduğu Romaya səfərindən sonra İstanbulda Rusiya ilə danışıqları dayandırmaq qərarına gəlib.

Publika.az xəbər verir ki, bu barədə Ali Radanın deputatı Aleksandr Dubinski özünün "YouTube" kanalında məlumat verib.

"Cəbhədə yeganə perspektivimizin geri çəkilmək olduğunu nəzərə alsaq, bərpa üçün trilyonlarla vəsait istəyirik. Eyni zamanda, Ukrayna, Volodimir Aleksandroviçin (Zelenskinin) dediyi kimi, ruslarla danışıqların növbəti tarixini müzakirə etməyə hazır deyil", - siyasətçi bildirib.

O, ölkə nümayəndələrinin Romada təqdim etdiyi Ukraynanın bərpası layihəsinin əslində reallıqla heç bir əlaqəsinin olmadığını vurğulayıb. Deputat hesab edir ki, buna ayrılan vəsait yəqin ki, Rusiya ilə müharibəyə sərf olunacaq.

"Qərbdə bu layihələrə buradakı qədər ehtiyac var. Ancaq Ukraynada hər kəsə burada hər şeyin necə gözəl olduğu və ruslar üçün nə qədər pis olduğu haqqında nağıllar danışılır", - deyə Dubinski yekunlaşdırıb.

Hüseyn İbadlı