Bu xanım Ukraynanın Baş naziri ola bilər

Ukrayna Prezidenti Volodimir Zelenski respublikanın baş naziri postunu baş nazirin birinci müavini Yuliya Sviridenkoya təklif edəcək.

Publika.az xəbər verir ki, bu barədə “RBK-Ukrayna” telekanalı mənbələrə istinadla məlumat yayıb.

İddia olunur ki, Zelenski artıq hökumətin tərkibində dəyişikliklə bağlı qərar qəbul edib.

“Hökumətə baş nazirin hazırkı birinci müavini Yuliya Sviridenko rəhbərlik edəcək”, - bəyanatda deyilir.

Ukraynanın baş naziri Denis Şmıxalın tezliklə istefaya göndərilməsi ilə bağlı şayiələrin növbəti mərhələsi bir ay əvvəl ortaya çıxıb.

İyun ayında Ali Radanın deputatı Yaroslav Jeleznyak bəyan etmişdi ki, Ukrayna prezidentinin aparatı iqtisadiyyat naziri Yuliya Svırıdenkonu baş nazir postuna təyin etməyi planlaşdırır. Deputat bu cür kadr dəyişikliyinə səbəb kimi hökumətə etimadın itirilməsini, xüsusən də iqtisadi və büdcə sahəsində çoxlu sayda uğursuzluqları göstərib.

Daha sonra Zelenski Ukraynanın baş naziri Şmıxalın mümkün istefası ilə bağlı məlumatları təkzib edib.

Hüseyn İbadlı