Almaniya ordusunda CİDDİ HAZIRLIQ - Rusiya NATO-ya bu tarixdə hücum edəcək

"Rusiya iki-üç il ərzində NATO ölkələrinə hücum edə bilər".

Publika.az xəbər verir ki, bunu Almaniya Bundesverinin Birgə Dəstək Komandanlığının qərargah rəisi general-leytenant Gerald Funke Britaniyanın "The Times" qəzetinə verdiyi müsahibədə bildirib.

Onun sözlərinə görə, Rusiya hücumunun ilk saatlarında alman qoşunları özlərini döyüşlərin qızğın vaxtında tapacaqlar. Beləliklə, Litvada yerləşən 4800 nəfərlik 45-ci tank briqadası əks -hücuma keçəcək və bundan sonra bir neçə gün ərzində Qərbi Almaniyadan cəbhə xəttinə 15.000 sürətli reaksiya qüvvəsi əsgəri köçürüləcək.

Daha sonra on minlərlə NATO əsgəri Şimal dənizindəki Almaniya limanlarına çatacaq və oradan avtomobil və dəmir yolu ilə şərqə daşınacaq. Bu rabitə xətləri Rusiyanın təxribatları, kiberhücumları və uzaqmənzilli raket zərbələri üçün hədəfə çevriləcək.

Funke vurğulayıb ki, döyüşlər nəticəsində hər gün yüzlərlə yaralı insan Almaniya xəstəxanalarına çatdırılacaq ki, bu da tibb müəsisələrinin tez bir zamanda çox yüklənməsinə səbəb olacaq.

Hüsyen İbadlı