Generaldan ordu ilə bağlı təklif: Qadınlar da hərbi xidmətə cəlb edilməlidir

Ordu daimi döyüş hazırlığı vəziyyətində olmalıdır. Buna nail olmaq üçün qadınlar da universal hərbi xidmət keçməlidirlər.

Publika.az xarici mətbuata istinadən xəbər verir ki, bunu Polşa Baş Qərargahının keçmiş rəis müavini general Leon Komornitski bildirib.

"Biz ordumuzu daim döyüş hazırlığında saxlamalıyıq. NATO-nun şərq cinahında potensial təcavüzkarın kəsişməsində yerləşən geosiyasi mövqeyimiz bizi buna məcbur edir. Burada vaxt da, gözlənilməz hücumlara qarşı durmaq imkanlarımız da vacibdir", - deyə o qeyd edib.

Komornitski universal hərbi xidmətə qayıtmağı dəstəklədiyini və qadınlar da daxil olmaqla, on doqquz yaşdan yuxarı hər bir vətəndaşın hərbi təlim keçməli olduğunu vurğulayıb. Generalın sözlərinə görə, hətta ən yaxşı təchiz olunmuş peşəkar ordu belə real vaxt rejimində hazırlıq və tam heyət olmadan təhlükəsizliyi təmin edə bilməz.

O, həmçinin qeyd edib ki, hazırda Polşa ordusunda çağırışçıları yerləşdirmək üçün lazımi infrastruktur yoxdur və bölmələr 24/7 əməliyyatları təmin edə bilmir.

Adəm