Avropa

Daha bir ölkə rusiyalı diplomatların hərəkətini məhdudlaşdırdı

3 Fevral 2026 11:36

Çexiya akkreditə olunmamış Rusiya diplomatik missiyası əməkdaşlarının hərəkətinə məhdudiyyətlər tətbiq edib.

Publika.az xəbər verir ki, bu barədə "İzvestiya"ya Rusiyanın Praqadakı səfirliyindən məlumat verilib.

"23 yanvar tarixində Rusiya səfirliyi Çexiya Xarici İşlər Nazirliyindən Aİ-nin məhdudiyyətləri çərçivəsində ölkə daxilində səyahət üçün yeni proseduru izah edən nota alıb. Bu, Çexiyada akkreditə olunmayan Rusiya diplomatik nümayəndəliklərinin əməkdaşlarına aiddir", - deyə diplomatik nümayəndəlikdən aydınlıq gətirilib.

Yanvarın 29-da Yunanıstan Xarici İşlər Nazirliyinin Rusiya diplomatlarının Avropa Birliyi daxilində hərəkətinə məhdudiyyətlərin tətbiq edilməsi barədə Afinadakı Rusiya səfirliyini məlumatlandırdığı açıqlanmışdı.

İsveç Xarici İşlər Nazirliyi əvvəllər Rusiya səfirliyinə bildirmişdi ki, Aİ qaydalarına əsasən, diplomatik nümayəndəlik artıq Rusiya diplomatlarının hərəkətləri barədə agentliyə məlumat verməlidir.

Tural