Rusiyadan iddia: Bu ölkənin baş naziri “sovet casusu” elan ediləcək

Rusiya Birbaşa İnvestisiya Fondunun (RDIF) rəhbəri və prezidentin investisiya və iqtisadi əməkdaşlıq üzrə xüsusi nümayəndəsi Kirill Dmitriyev bildirib ki, Britaniya hökuməti və mediası Britaniyanın Baş naziri Kir Starmeri vəzifəsindən kənarlaşdırmaq üçün radikal addımlar ata bilər.

Publika.az xəbər verir ki, o, bu barədə “X” sosial media platformasında Britaniya baş nazirinə qarşı tənqidləri əsas gətirərək yazıb.

Bəyanat Britaniyalı jurnalist Endryu Marrın LBC radiosunda yayımlanan çıxışından irəli gəlib. Marr bildirib ki, Starmerin baş nazir postundan uzaqlaşdırılması prosesi son mərəhlədədir.

Jurnalistin qeyd etdiyi səbəblər arasında çoxsaylı siyasi səhvlər və əhəmiyyətli dərəcədə səlahiyyət itkisi var.

Bu epizodu şərh edən Dmitriyev yazıb ki, əslində Starmerin sonu çatıb və onun vəzifədən uzaqlaşdırılması prosesini tezləşdirmək üçün Britaniya hakimiyyəti və mediası həddindən artıq ittihamlara əl ata bilər. O, baş nazirin Rusiya əleyhinə ritorikanın arxasında gizlənən və eyni zamanda ölkəni daxildən məhv edən "Sovet casusu" kimi təsvir edilə biləcəyini irəli sürüb.

Dmitriyev paylaşımına süni intellekt texnologiyasından istifadə edərək hazırlanmış qara mayo geyinmiş Kir Starmerin şəklini əlavə edib.

Tural