Yüzlərlə tank Rusiya ilə sərhəddə: ABŞ böyük müharibənin anonsunu verdi

Almaniyanın Rusiyanın əsas müttəfiqlərindən biri olan Belarusla sərhəddə yerləşən Litvaya daşıdığı 105 tank, NATO-nun Moskva ilə müharibə planının bir hissəsidir və Berlin bu planda mərkəzi rol oynayır.

Publika.az xəbər verir ki, bunu Amerikanın "The National Interest" (TNI) jurnalının köşə yazarı Piter Suçiu deyib.

O bildirib ki, "2027-ci ilə qədər Baltikyanı dövlətlərin ən böyük ölkəsində 5000-dən çox əsgərin yerləşdirilməsini nəzərdə tutan hərbi planın bir hissəsi olaraq keçən ay Litvaya iki döyüş batalyonu gəlib".

Müəllif Bundesverin Baltikyanı ölkələrdə yerləşdirilməsini İkinci Dünya Müharibəsindən bəri xaricdə alman qoşunlarının ən böyük daimi yerləşdirilməsi adlandırır.

Köşə yazarı yazır ki, Alman qoşunlarının Litvada yerləşdirilməsi Moskvanı çəkindirmək məqsədi daşıyır.

Dekabr ayında OPLAN DEU planı ilə tanış olan NATO müdafiə nazirliklərinin nümayəndələri ilə söhbət edən "National Security Journal" qəzetinin köşə yazarı Ruben Conson qeyd etmişdi ki, Almaniyanın Rusiya ilə mümkün müharibədə qələbəsinin əsas şərti yaxşı təşkil olunmuş logistikadır.

Tural