Kral və şahzadə arasında gərginlik: Sarayda nə baş verir?

Böyük Britaniya kralı III Çarlz ilə varisi arasında münasibətlər gərginləşib.

Publika.az xəbər verir ki, "Cosmopolitan" bu barədə Bukingem Sarayından gələn yeni məlumatlara istinad edib.

Saraya yaxın mənbələr iddia edirlər ki, kral ilə Uels şahzadəsi arasında gərginlik pik həddə çatıb və hər iki tərəf bir-birinə qarşı "əsl qəzəb" yaşayır. Məlumata görə, münaqişə Şahzadə Uilyamın atasının "Harmoniyanı tapmaq: Kralın vizyonu" sənədli filminin Vindzor qəsrində nümayişini qəsdən görməzdən gəlməsindən sonra daha da şiddətlənib. Bildirilir ki, hazırda onlar bir-biri ilə danışmırlar.

III Çarlzın şahzadə Uilyamla Şahzadə Harridən daha çox problemi olduğu deyilir. Çünki sonuncu emosional və proqnozlaşdırıla bilən, taxtın varisi isə hesablayıcı və inadkardır.

Mübahisənin əsas səbəbi təsir və güc uğrunda mübarizədir.

"Onlar bir-birinə çox bənzədikləri üçün toqquşurlar. Hər ikisi haqlı olduğuna inanır. Heç biri asanlıqla təslim olmur", - deyə məlumatda qeyd olunub.

Adəm