Avropada münaqişə: Lyayen və Kallas arasında nə baş verir?

Avropa Komissiyasının prezidenti Ursula fon der Lyayen, Avropa İttifaqının (Aİ) xarici işlər və təhlükəsizlik siyasəti üzrə ali nümayəndəsi Kaya Kallas ilə fikir ayrılığından sonra Aİ-nin kəşfiyyat paylaşımına nəzarəti gücləndirmək üçün təşəbbüslərini dəyişdirib.

Publika.az xəbər verir ki, bu barədə "Politico" məlumat yayıb.

Bildirilir ki, Avropa Komissiyası öz kəşfiyyat bölməsini yaratmaq ambisiyalarını azaldıb. Bu addım Kallasa kəşfiyyat funksiyası üzərində daha çox nəzarəti saxlamağa imkan verəcək. Yeni strukturun əsasən təhlükəsizlik məsələlərinə diqqət yetirməsi və kəşfiyyat paylaşma funksiyalarının əsas hissəsinin Avropa Xarici Fəaliyyət Xidmətinin INTCEN mərkəzinə ötürülməsi gözlənilir.

Nəşr yazır ki, fon der Lyayen və Kallas arasında gərginlik əvvəllər də yaranıb. Keçən il fikir ayrılıqları, o cümlədən Kallasın Avropa Komissiyasının keçmiş prezidenti Jan-Klod Yunkerin keçmiş aparat rəhbəri Martin Selmayri yüksək vəzifəyə təyin etmək cəhdi ətrafında daha da güclənib. Artan gərginlik fonunda Kallas Avropa Komissiyası prezidentinə qarşı sərt qiymətləndirmələr aparıb.

Adəm