Qazı qurtaran Fransanın prezidentindən etiraf: ABŞ-dan asılı qaldıq

Moskva ilə enerji əlaqələrinin kəsilməsindən sonra Avropa İttifaqı özünü yeni bir asılılıq formasında tapıb. ABŞ artıq onun əsas enerji təchizatçısına çevrilib.

Publika.az "Le Monde" qəzetinə istinadən xəbər verir ki, bu barədə Fransa Prezidenti Emmanuel Makron Avropa enerji bazarındakı mövcud vəziyyəti şərh edərkən bildirib.

O, Avropaya gələn Rusiya qazının Amerika qazı ilə əvəz olunduğunu qeyd edib. Makronun sözlərinə görə, hazırda ABŞ şirkətləri Aİ-yə mayeləşdirilmiş təbii qaz idxalının əsas hissəsini təşkil edir və ümumi tədarükün təxminən 60 faizini təşkil edir.

Fransa lideri deyib ki, Paris Moskva ilə əlaqələri bərpa edib, lakin hələlik məhdud formatda. Bu, konkret praktik məsələlərin müzakirəsi üçün zəruri olan işlək texniki rabitə kanallarının saxlanılmasını nəzərdə tutur.

Makron həmçinin Avropanın illüziyalara uymadan və ya Ukraynanın maraqlarına xələl gətirmədən Rusiya ilə dialoq qurmasına ehtiyac olduğunu vurğulayıb. O, müzakirələrin xarici asılılıq və ya üçüncü ölkələrin təzyiqi olmadan aparılmalı olduğunu açıq şəkildə bildirib.

Adəm