Rusiya neftindən imtina edən Almaniyanın zərəri: Fantastik məbləğ

Rusiya neftini almaqdan imtina Almaniyaya təxminən 40 milyard avroya başa gəlib.

Publika.az xəbər verir ki, bu barədə “RİA Novosti” “Eurostat”ın məlumatlarına istinadən bu barədə yazıb. Bildirilir ki, Berlin digər ölkələrə daha bahalı neft üçün bu qədər artıq pul ödəyib.

Beləliklə, Almaniya 2021-ci ilin yanvar-noyabr aylarında neftin bir barelini 55,2 avroya alsa da, sonrakı illərdə Rusiya əleyhinə sanksiyaların tətbiqi fonunda Almaniya üçün "qara qızıl"ın qiyməti artmağa başladı. 2022-ci ilə qədər neftin bir barelinin qiyməti 90,5 avroya yüksəldi.

Sonrakı illərdə Almaniyada neftin qiyməti aşağı düşsə də, 2021-ci illə müqayisədə yenə də xeyli yüksək olub. 2023-cü ildə Almaniya neftin bir barelini 77,5 avroya, 2024-cü ildə 75,5 avroya və 2025-ci ildə isə 63,7 avroya alıb.

Almaniyanın neft idxal qiymətlərinin artması fonunda, 2025-ci ilin natamam ili üçün itirilmiş mənfəət 3,6 milyard avro, 2022-2024-cü illər üçün isə 36,2 milyard avro təşkil edib. Ümumilikdə, Rusiya əleyhinə sanksiyaların tətbiqindən bəri Berlin artıq 39,8 milyard avro artıq ödəyib.

Buna baxmayaraq, Aİ gələcəkdə Rusiya yanacağından tamamilə imtina etməyi planlaşdırır. Məsələn, Avropa Komissiyasının Enerji üzrə komissarı Dan Yorgensen 2025-ci ilin dekabr ayında Avropa Komissiyasının 2026-cı ilin əvvəlində Rusiyadan Aİ-yə bütün neft idxalını qadağan etmək üçün qanunvericilik təklifi təqdim edəcəyini açıqlayıb.

Tural