Bu ölkənin müdafiə nazirindən xəbərdarlıq: Rusiya bizə hücum edə bilər

Norveçin müdafiə naziri Eyrik Kristoffersen gələcəkdə Rusiyanın ölkəyə hücumu ehtimalını istisna edə bilməyəcəyini bildirib və Moskvanın şimaldakı nüvə obyektlərini qorumaq üçün Norveçə qarşı tədbir görə biləcəyini iddia edib.

Publika.az "The Guardian" qəzetinə istinadən xəbər verir ki, general bildirib ki, "Rusiyanın öz nüvə potensiallarını qorumaq planının bir hissəsi olaraq əraziləri ələ keçirməsini istisna etmirik. Çünki ABŞ-ı həqiqətən təhdid edən yeganə nüvə potensialları məhz budur".

O, Moskvanın Norveçdə "Ukraynada və ya digər keçmiş Sovet ərazilərində olduğu kimi" heç bir aqressiv məqsədi olmadığını etiraf edib, lakin Rusiyanın nüvə arsenalının əsas hissəsinin, o cümlədən nüvə sualtı qayıqlarının, quruda yerləşən raketlərin və nüvə başlıqlarının Norveç sərhədinə yaxın Kola yarımadasında yerləşdiyini bildirib.

"Biz bunu istisna etmirik, çünki Rusiya nüvə potensialının, ikinci zərbə imkanlarının qorunmasını təmin etmək üçün bunu edə bilər. Məhz bu, uzaq şimalda planlaşdırdığımız ssenaridir", - deyə general deyib.

Tural