Zelenski ikinci müddətə namizəd olacaq? - Şərtləri açıqladı

Əgər seçkilərin vaxtına qədər Rusiya ilə müharibə başa çatmasa, Ukrayna Prezidenti Volodimir Zelenski ikinci müddətə namizədliyini irəli sürəcək.

Publika.az xəbər verir ki, bu barədə "Tagesschau" nəşri məlumat yayıb.

"Seçki məsələsini qaldıran hər kəsə deyirəm: baxın, mən dərhal hazıram. Seçkilərin təhlükəsizliyini təmin edin, həmin dövrdə atəşkəsi təmin edin. Vəssalam", - deyə Zelenski bəyan edib.

Ukrayna Prezidentinin sözlərinə görə, əgər danışıqlar nəticəsində iki aylıq atəşkəs əldə olunarsa, seçkilərin keçirilməsi tamamilə mümkündür.

"Hələlik mən bu birinci prezidentlik müddəti daxilində qalıram, bu, mənim şəxsi seçimim deyil. O, sadəcə olaraq müharibə səbəbindən uzadılıb. Namizədliyimi irəli sürüb-sürməyəcəyimi bilmirəm. Əgər müharibə davam edərsə, bəli, şübhəsiz", - deyən dövlət başçısı əlavə edib ki, əgər sülh olarsa, bəlkə də namizədliyini verməz.

Ukraynada seçkilər mövzusu aktiv şəkildə müzakirə olunmağa başlanıb. "Reuters"in məlumatına görə, Kiyev və Vaşinqton hələ bu ilin mart ayında Rusiya ilə mümkün sülh sazişi ətrafında müzakirələr aparıblar. Üstəlik, bəzi məlumatlara görə, may ayında prezident seçkiləri və referendumun keçirilməsi nəzərdə tutulur.

Hüseyn İbadlı