Avropa

Orbanın “şeytan kəməri” - Avropa həll yolu tapdı

26 Fevral 2026 11:50

Avropa İttifaqı (Aİ) Macarıstanın Baş naziri Viktor Orbana Ukraynaya maliyyələşdirməni bloklamayacağı təqdirdə, "Drujba" neft kəməri vasitəsilə tədarükü bərpa edəcəyinə söz verəcək.

Publika.az xəbər verir ki, bu barədə "Politico" mənbələrinə istinadən məlumat yayıb.

“Orbanın öz “şeytan kəməri” olacaq. “Drujba” hekayəsi tamamilə ağlasığmazdır, amma onun seçki kampaniyasında qələbəyə ehtiyacı var”, - deyə AB-Macarıstan danışıqları ilə tanış olan bir diplomat bildirib.

Nəşr qeyd edir ki, Avropa İttifaqı Kiyevin yaxınlaşan nağd pul çatışmazlığı və Orbanın seçki kampaniyası zamanı Brüssellə hüquqi qarşıdurmadan sui-istifadə edə biləcəyi ilə bağlı narahatlıqlar səbəbindən çətin vəziyyətə düşüb.

Fevralın 20-də Macarıstan Ukraynaya 90 milyard avroluq AB kreditini bloklayıb. Macarıstanın xarici işlər naziri Peter Siyarto vurğulayıb ki, Kiyev Rusiya neftinin “Drujba” boru kəməri ilə nəqlinə icazə verənə qədər Budapeşt bu krediti bloklamağa davam edəcək.

Tural