Timoşenkonun müsadirə olunmuş vəsaitləri geri qaytarıldı

Ukrayna Milli Antikorrupsiya Bürosu (NABU) məhkəmənin qərarı ilə ölkənin keçmiş baş naziri və "Batkivşina" partiyasının lideri Yuliya Timoşenkonun axtarış zamanı müsadirə edilmiş şəxsi vəsaitini ona geri qaytarıb.

Publika.az xəbər verir ki, bu barədə "RBC-Ukraina" məlumat yayıb.

Timoşenkonun vəkilinin sözlərinə görə, o, müdafiə etdiyi şəxsin işinə baxılmasında müsbət dinamika görür. Vəkil əlavə edib ki, vəsaitlərin qaytarılması ədalətin bərpası yolunda növbəti addımdır, həmçinin Timoşenkoya qarşı işin saxtalaşdırıldığının təsdiqidir.

Cari ilin yanvarın 14-də Ukraynanın "Obozrevatel" nəşri Ukrayna Milli Antikorrupsiya Bürosunun "Batkivşina" partiyasının lideri Timoşenkonu korrupsiyada şübhəli biliyi barədə məlumat yayıb. Daha sonra büro siyasətçinin başqa bir deputata pıçıltı ilə necə səs verməli olduğunu təlimatlandırdığı və səsvermə üçün ödəniş məbləğini səsləndirdiyi iddia edilən səs yazısını dərc edib. Bu zaman söhbətin birdəfəlik razılaşmalardan deyil, müntəzəm əməkdaşlıqdan getdiyi vurğulanır.

Hüseyn İbadlı