Britaniya və Fransa ordusu Ukraynaya “endi” - Pusqu qurur, müdafiə sistemlərini məhv edirlər

Britaniya və Fransa paraşütçüləri Ukraynada "sülhməramlı missiya"da iştirak etmək üçün təlim keçirlər.

Publika.az xəbər verir ki, bu barədə “Telegraph” qəzeti məlumat yayıb.

Nəşrin məlumatına görə, Bretanidə keçirilən təlimlər çərçivəsində Britaniya Silahlı Qüvvələrinin 16-cı Hava-Desant Briqadasının 600-dən çox əsgəri Fransanın 11-ci Hava-Desant Briqadasının üzvləri ilə birlikdə Ukraynaya simulyasiya edilmiş eniş həyata keçirib. İtaliyanın “Folqore” Paraşütçü Briqadasının bir tağımı da təlimdə iştirak edib.

Desant qüvvələri aşkarlanmadan Sen-Sir-Koetkuidan təlim poliqonuna eniş edib, düşmənin hava hücumundan müdafiə sistemlərinin məhv edilməsini və əsas qüvvələr üçün eniş zonası təyin olunmasını simulyasiya ediblər.

Bundan sonra qoşunlar simulyasiya edilmiş hücumu dəf etməli, eləcə də düşmən qüvvələrinə qarşı pusqu və hücumları məşq etməli olacaqlar.

Təlimlər Avropa qoşunlarını 21-ci əsr münaqişələrinin reallıqlarına hazırlamaq üçün nəzərdə tutulub. Məqalədə deyilir ki, manevrlər Ukraynadakı münaqişənin başlamasının dördüncü ildönümündə baş tutub və NATO qüvvələrinin tərkibində dünyanın istənilən yerinə yerləşdirilməyə hazır olan paraşütçülər üçün son təlimləridir.

Tural