Britaniya ABŞ-ın İranla bağlı bu tələbinə müsbət cavab verdi

Böyük Britaniya ABŞ-ın İrandakı raket anbarlarına zərbə endirmək üçün hərbi bazalarından istifadə etmək tələbinə müsbət cavab verib.

Publika.az xəbər verir ki, bu barədə Böyük Britaniyanın Baş naziri Kir Starmer "X"dəki hesabında yaydığı videomüraciətində bildirib.

"Təhdidin qarşısını almağın yeganə yolu raketləri anbarlardakı buraxılış yerlərində və ya raketlərin buraxılması üçün istifadə edilən buraxılış qurğularında məhv etməkdir. Amerika Birləşmiş Ştatları bu xüsusi və məhdud müdafiə məqsədi ilə Britaniya bazalarından istifadə etmək üçün icazə istəyib. İranın bölgəyə raket atmasının qarşısını almaq üçün bu tələbi təsdiqləməyə qərar verdik", - deyə o bildirib.

Starmer qeyd edib ki, Böyük Britaniya hücumlara qoşulmayacaq: "Biz İrana ilkin hücumlarda iştirak etməmişik, indi də heç bir hücum əməliyyatına qoşulmayacağıq".

Xatırladaq ki, bundan əvvəl Almaniya, Fransa və Britaniya liderləri İranı Yaxın Şərqdəki müttəfiqlərinə hücum etməyə davam edəcəyi təqdirdə hərbi əməliyyatlarla hədələyiblər.