Almaniya da İranla müharibəyə girir? – Rəsmi açıqlama

Almaniya İrana qarşı heç bir formada müharibədə iştirak etmək niyyətində deyil.

Publika.az xəbər verir ki, DW-nin məlumatına görə, bu barədə Almaniyanın xarici işlər naziri Yohan Vadeful bildirib.

O əlavə edib ki, ABŞ-a İran raketlərini və buraxılış qurğularını məhv etmək üçün bölgədəki Britaniya bazalarından istifadə etməyə icazə verən Böyük Britaniyadan fərqli olaraq, Almaniyanın orada belə bazaları yoxdur.

Bundan əlavə, nazirin sözlərinə görə, Almaniyanın "müvafiq hərbi resursları da yoxdur", lakin "Bundesver əsgərləri hücum halında özlərini müdafiə edə bilərlər".

Alman ordu bölmələri hazırda İordaniya və İraqda yerləşdirilib.

İsrail və ABŞ-ın İrana hücumunun beynəlxalq hüquqa görə qanunsuz olub-olmadığı soruşulduqda, nazir "şübhələr olduğunu" və "siyasi və təhlükəsizlik aspektlərinin hərtərəfli qiymətləndirilməsinin zəruri olduğunu" bildirib.

Almaniya xarici işlər naziri həmçinin qeyd edib ki, "İran təkcə İsrail və region üçün deyil, həm də Almaniya və Avropa üçün ciddi təhlükə yaradır".

Tural